नेकपा नुवाकोटको १ सय ६० जना जिल्ला सदस्यमा १ सय ३४ जना प्रचण्ड–माधव समुहमा 

नुवाकोट न्यूज
नुवाकोट न्यूज

२०७७ पौष १२, आईतबार

नेकपा नुवाकोट, जिल्ला भेला

आइतवार बट्टारमा भएको नेकपा नुवाकोटको जिल्ला भेलामा २६ जना बाहेकका सबै जिल्ला कमिटि सदस्यहरू सहभागि भएका छन् । नुवाकोट नेकपाको १ सय ६० जना जिल्ला सदस्यमा १ सय ३४ जना आइतवार सहभागि भएर प्रधानमन्त्री केपी ओलीको असंबैधानिक कदमको बिरोध गरेका छन् । 
२६ जना ओली पक्षका देखिएकोले भेलामा सहभागि नभएको नेकपा नुवाकोटका एक नेताले बताए । नेकपा नुवाकोटका सचिव नारायणप्रसाद खतिवडाले दिएको जानकारी अनुसार नुवाकोटको सबै स्थानीय तहमा पुस १६ गते कार्यक्रम र कार्यकर्ता भेलाको आयोजना गरिएको छ । त्यसको नेतृत्व र ब्यवस्थापनका लागि नेकपा बाग्मती प्रदेशका १२ जना सदस्यहरूलाई तोकिएको छ । 
यस्तै, नुवाकोट जिल्लामा नेकपाबाट निर्वाचित वडा अध्यक्षहरूमा ३५ जनाभन्दा बढीले आइतवारको जिल्ला भेला कार्यक्रममा सहभागिता जनाएका छन् ।
८८ वटा वडा रहेको नुवाकोटमा ५१ वटा वडामा नेकपाले अध्यक्ष जितेको छ । प्रधानमन्त्री ओली पक्षमा बढिमा १५ जना वडा अध्यक्षहरू रहेको अनुमान गरिएको छ । 

नेकपा नुवाकोट, जिल्ला भेला