अलपत्र परेको रानीपौवा–बालाजु सडक निर्माणका लागि नागरिकहरु सडकमा उत्रिए

नुवाकोट न्यूज
नुवाकोट न्यूज

२०७७ चैत्र २, सोमबार

रानीपौवा–बालाजु सडक, नागरिकहरु सडकमा, शारदाप्रसाद अधिकारी

 
लामो समयदेखि अलपत्र परेको रानीपौवा–बालाजु सडक खण्ड निर्माणका लागि दवाव दिन नागरिकहरु सडकमा उत्रिएका छन् । नुवाकोट र काठमाडौंका नागरिकहरु आइतवार ठकेदार कम्पनी विरुद्ध नाराबाजी गर्दै सकडमा उत्रिएका थिए । 
काठमाडौंको तिनपिप्लेमा जम्मा भएका नागरिकहरुले काठमाडौं उपत्यकाबाट नुवाकोट आउने फोहोरका गाडी रोकेका छन् । सरकारलाई दवाव दिनका लागि उनीहरुले पहिलो चरणमा फोहोर बोक्ने गाडी मात्रै रोकेका हुन् । रानीपौवादेखि काठमाडौंसम्मका नागरिकहरुले दवाव समुह बनाएर आन्दोलन थालेका छन् । दवाव तथा आन्दोलन समुहका संयोजक रानीपौवाका आतिइ श्रेष्ठका अनुसार अब ठकेदार कम्पनीले काम सुरु नगरेसम्म आन्दोलन स्थगन हुने छैन । 
पटक पटक गरेर चार पटक म्याद थप भइसकेको रानीपौवा–बालाजु सडक खण्ड निर्माणको काम हुन सकेको छैन । २०६८ सालमा सम्झौता भएको यो ठेक्का नुवाकोटकै निर्माण व्यवसायी शारदाप्रसाद अधिकारीले पाएका छन् । ठकेदार कम्पनीका तर्फबाट अधिकारीले मन्त्रालयमै बसेर गरेको सम्झौता समेत कार्यान्वयन नभएको भन्दै नागरिकहरु रुष्ट बनेका हुन् । 

 

रानीपौवा–बालाजु सडक, नागरिकहरु सडकमा, शारदाप्रसाद अधिकारी

अबको आन्दोलन निर्णायक हुने भन्दै नुवाकोटको बेलकोटढी नगरपालिका, ककनी गाउँपालिकाबाट समेत नागरिकहरु आन्दोलनमा सहभागि भएका छन् । काठमाडौंको तारकेश्व्र नगरपालिकाका स्थायी बासिन्दाहरु पनि आन्दोलनमा सरिक छन् । उनीहरुले कम्पनी र ठेकेदार शारदाप्रसाद अधिकारीका बिरुद्ध चर्का नाराबाजी गरेका छन् । प्लेकार्ड र ब्यानर बोकेर तीनपिप्ले चोकमा आइतवार बिहानैदेखि नागरिकहरु आन्दोलनमा उत्रिएका छन् । निर्माण स्थलमा मेसिन र निर्माण सामाग्री नआएसम्म आन्दोलन चलिरहने संर्घष समितिका संयोज आदित्य श्रेष्ठले बताउनुभएको छ । 
मुड्खु–रानीपौवा खण्ड १७ किलोमिटर रहेछ । २०७१ सालको सुरुमा सम्झौता भएको उक्त खण्डमा अहिलेसम्म भौतिक प्रगति ४८ र वित्तीय प्रगति ४४ प्रतिशत मात्रै रहेको सकरारी तथ्याङ्क रहेको छ । निर्माणको जिम्मा भारतीय कम्पनी अरामली इन्फ्रा पावर र नेपाली कम्पनी सैलुङ कन्स्ट्रक्सन जेभीले लिएको छ ।

रानीपौवा–बालाजु सडक, नागरिकहरु सडकमा, शारदाप्रसाद अधिकारी


यता, ३४ किलोमटिरको दोस्रो खण्ड रानीपौवा–पिपलटार निर्माणको जिम्मा भारतीय निर्माण व्यवसायी दिनेशचन्द्र आर अग्रवाल, नेपाली कम्पनीहरु नागार्जुन÷कोसी एण्ड न्यौपाने जेभी र पप्पु कन्स्ट्रसनले लिएको थियो । २०७२ साल फागुन २१ मा सम्झौता भएको उक्त कामको सम्झौता भने भंग भएको छ । काम चित्तबुझ्दो नभएको, सम्झौता विपरीत निर्माण कम्पनी गएको भन्दै सरकारले सम्झौता भंग गरेको हो । सम्झौता रद्द भएपछि कम्पनीले अदालतमा हालेको मुद्दाका कारण यो तल्लो भागको कामका लागि नयाँ प्रक्रिया समेत अगाडी बढ्न सकेको छैन । 

रानीपौवा–बालाजु सडक, नागरिकहरु सडकमा, शारदाप्रसाद अधिकारी