नुवाकोट समन्वय समिति : ५ बर्ष पहिला काँग्रेसले पेल्यो, अहिले हामी दिन्नौ 

पार्वती बिश्वकर्मा
पार्वती बिश्वकर्मा

२०७९ जेष्ठ २३, सोमबार

नुवाकोटमा जिल्ला समन्वय समिति, गठबन्धन, माओवादी

नुवाकोटमा जिल्ला समन्वय समितिको निर्वाचन जेठ २७ गतेको लागी तोकिएको छ । 
समन्वय समितिको गठन प्रक्रिया सुरु भएसँगै जिल्ला समन्वयमा कुनकुन दलले सहभागिता जनाउने भन्ने निस्चित भएको छै्रन । तर, कुल २४ सदस्य रहेको जिल्ला समन्वय समितिमा नेकपा माओबादी केन्द्रको १२, नेपाली काँग्रेसको ११ र नेकपा एमालेको १ सिट रहेको छ । नेकपा एमाले नुवाकोटले जिल्ला समन्वय समिति नेकपा माओबादी केन्द्रले एक्लै बनाएमा निस्वार्थ सहयोग गर्ने जनाएको छ । 
तर, यता माओवादी केन्द्र र नेपाली काँग्रेसको जिल्ला नेतृव भने गठबन्धन गरेर जाने तयारी थालिएको छ । 
माओबादी केन्दको एकपक्ष एक्लैले समन्वय समिति गठन गर्ने तयारीमा रहेको छ भने अर्कोपक्ष काँग्रेससंग मिलेर जाने देखिएको छ । माओवादीका अधिकाँस सदस्यहरुले अघिल्लो निर्वाचनमा नेपाली काँग्रेसले आफ्नो बहुमत रहेको समयमा माओवादीलाई एक सदस्य समेत नदिएका कारण अहिले माओवादी केन्द्रले मात्रै बनाउनुपर्ने माग गरेका छन् । 
जिल्ला समन्वयको लागी आवश्यक मत माओबादी केन्द्र एक्लैसँग रहेको. बताउदै माओवादी केन्द्रका मतदाताहरुले एक्लै समन्वय गठन गर्नुपर्ने माग गरेका हुन् । 

आफ्नो पार्टीको बहुमत रहेको समयमा नेपाली काँग्रेसलाई भोट हाल्नुपरे पार्टीनै छोड्ने चेतावनी समेत माओवादी केन्द्रका सदस्यहरुले दिएका छन् । काँग्रेसलाई सजिलो हुने स्थानिय तहमा मात्र गठबन्धन गरेर अन्य स्थानिय तहमा माओवादीलाई सिध्याउने हर्कत गरेकाले माओवादी केन्द्रले मात्रै समन्वय समिति बनाउनुपर्ने माग उहाँहरुले राखेका छन् । 

माओबादी र काँग्रेसको केन्द्रलेनै गठबन्धन गरेर समन्य समिति गठन गर्न परिपत्र गरेको छ । तर, नुवाकोटमा २४ सिट मध्ये १२ सिट माओबादी केन्द्रको रहेकाले एक्लै समन्वय समिति गठन गर्नुपर्ने माओबादी केन्द्रका सदस्यहरुले बताउन थालेका छन् । जिल्ला समन्वय समितिमा गाँउपालिका तथा नगरपालिकाका प्रमुख र उपप्रमुख मतदाता रहने छन् । जसमा सबै भन्दा धेरै माओबादी केन्द्रको रहेको छ । त्यसमा अझै १ मत नेकपा एमालेले निसर्त रुपमा माओबादी केन्द्रलाई सहयोग गर्ने जनाएको छ ।
स्थानिय तहको निर्बाचन सम्पन्न भएको १ महिला भित्रमा जिल्ला समन्वय समितिको पहिलो बैठक बसिसक्नु पर्ने पबधान संबिधानमा उल्लेख छ । संबिधानमा ब्यबस्था भए अनुसार ज्येष्ठ सदस्यको अध्यक्षतामा पहिलो बैठक बसेपछी जिल्ला समन्वय समितिको गठन प्रकृया सुरु हुने प्राबधान रहेको छ ।

पहिलो बैठकपछी मुख्य निर्बाचन अधिकृतको कार्यालयले निर्बाचन कार्यतालिका प्रकाशन गरेको हो ।  प्रकाशन गरेको कार्यतालिका अनुसार कार्यालयले नामावली प्रकाशन गर्ने, नामावली सच्याउन संशोधन गर्ने, मतदाताको नामावलीमा उजुरी दिने मिति जेठ २४ गतेलाई तोकिएको छ ।

यस्तै, अन्तिम नामावली प्रकाशन गर्ने, मनोनयन दर्ता, उम्मेद्धवारको दर्ता सुचि प्रकाशन र उम्मेदावारी विरुद्ध दाबी विरोध गर्ने २५ गतेलाई तोकेको छ । यस्तै, जेठ २६ गते मनोनयनको जनाँच गर्ने, परेका उजुरी उपज छलफल गर्ने, उम्मेद्धवारको नामावली प्रकाशन, उम्मेद्धवारी फिर्ता, अन्तिम नामावली प्रकाशन र उम्मेद्धवारहरुलाई निर्बाचन चिन्ह प्रदान गर्ने जनाएको छ ।

जेठ २७ गते शुक्रबार बिहान ११ बजेबाट समन्वय समितिको मतदान सुरु हुने कार्यतालीका रहेको छ । २७ गते हुने निर्बाचनले समन्वय प्रमुख १ जना, उपप्रमुख १ जना, महिला सदस्य ३ जना, दलित वा अल्पसंख्यक सदस्यबाट १ जना र खुल्ला सदस्यमा २ जना गरि ९ जना निर्बाचित गर्ने सुर्यगढी गाँउपालिकाका अध्यक्ष एवं जिल्ला सभा पहिलो बैठकका अध्यक्ष सन्तबहादुर घलेले जानकारी दिनु भयो ।  
 

You may also like: